ជិត-ក្បែរ

ជិត-ក្បែរ

 ជិតជិតជាងក្បែរមែនទេ?

ឬ

ក្បែរជិតជាងជិត?

ខ្ញុំនិយាយនេះ មិនមែនជាការសិក្សាស្រាវជ្រាវអ្វីទេ គ្រាន់តែជាការត្រិះរិះពិចារណាអំពីពាក្យដែលខ្ញុំគិតថា មានភាពខុសគ្នា ហើយមានលក្ខណៈគួរឱ្យចង់សិក្សា ហើយក៏គួរឱ្យចង់លើកយកមកនិយាយលេងដែរ។ ពិសេសជាសំណួរថា៖ ជិតនិងក្បែរមួយណាជិតជាង?

ខ្ញុំថាក្បែរជិតជាងជិត ចុះប្រិយមិត្រអ្នកអានវិញគិតយ៉ាងម៉េចដែរ?

ឥឡូវ យើងសាកមើលលើលំដាប់នៃឆ្កែដោយរាប់ចេញពីឆ្កែប្រផេះ បន្ទាប់មកឆ្កែក្រហម បន្ទាប់មកទៀតទន្សាយ បន្ទាប់ពីទន្សាយគឺឆ្មា ហើយចុងក្រោយកណ្ដុរ។ 

១.ឆ្កែនៅជាប់គ្នា ហើយទន្សាយនៅជិតឆ្កែទាំងពីរ ចំណែក ឆ្មានៅជិតឆ្កែទាំងពីរដែរ។/?ឆ្មានៅក្បែរឆ្កែទាំងពីរដែរ។ ២.ទន្សាយនៅក្បែរឆ្កែទាំងពីរ ចំណែកឆ្មាក៏នៅជិតទន្សាយដែរ។/ឆ្មាក៏នៅក្បែរទន្សាយដែរ។

ដូចខ្ញុំបាននិយាយខាងលើហើយថា នេះមិនមែនជាការសិក្សានោះទេ គឺជាគំនិតក្នុងការពិចារណាប៉ុណ្ណោះ។ ហើយខ្លួនខ្ញុំផ្ទាល់ក៏មិនមានចម្លើយដែរ។ 

សូមរកចម្លើយដោយខ្លួនឯង ហើយបើមានសូមជួយប្រាប់ខ្ញុំផង។ ខ្ញុំសង្ឃឹមថា នឹងទទួលចម្លើយពីប្រិយមិត្រអ្នកអាន។

ញ៉.ផល្លី សុផេន

១២ កុម្ភៈ ២០២០