អំពី ដ្ឋ
អំពី ដ្ឋ
 |
| ឋាន/ដ្ឋាន |
- កន្លងមក យើងបានឃើញសំណេរនានា ទាំងក្នុងសៀវភៅ ទាំងលើបដា ទាំងក្នុងបណ្ដាញសង្គម មានការភ័ន្តច្រឡំលើព្យញ្ជនៈតម្រួតមួយ គឺដ្ឋ។ មិនត្រឹមតែក្នុងចំណោមមហាជនធម្មតានោះទេ មានអ្នកសរសេរសៀវភៅវេយ្យាករណ៍ម្នាក់ចាត់ទុកថាជាព្យញ្ជនៈមួយទៀតផង។
- នៅក្នុងសំណេរដ៏ខ្លីនេះ យើងគ្រាន់តែបង្ហាញអំពីលក្ខណៈរបស់ដ្ឋតែប៉ប៉ុណ្ណោះ។
គ្មានចិត្តវាយប្រហារអ្នកណាឡើយ។
- ដូចដែលយើងដឹងមកហើយ ពិសេសអ្នកដែលរៀបបាលីសំស្ក្រឹត/បាឡីសំស្ក្រឹត អំពីអាគមគឺជាអក្សរដែលចុះមកដើម្បីសម្រួលដល់ការនិយាយឬអាន ដូចយ៉ាង ដ ជាដើម ; ការ + ឋាន > ការ + ដ(អាគម) + ឋាន > ការដ្ឋាន។ ចំពោះពាក្យដែលផ្សំនឹង ឋាន មានច្រើនទៀតដូចជា ភោជនីយដ្ឋាន បទដ្ឋាន ជាដើម។ ដោយសារតែមានពាក្យជាច្រើនដែលមានសំឡេង ឋាន ហើយសរសេរនឹង ដ្ឋាន ដូច្នេះ គេក៏យល់ថាជាព្យញ្ជនៈមួយតែម្ដងទៅ ដូច្នេះហើយបានជាមានសរសេរជា
+ កីឡាដ្ឋាន ដែលខុសពីវចនានុក្រម កីឡដ្ឋានឬកីឡនដ្ឋាន(វចនានុក្រមខ្មែរ ១៩៦៧ ពុទ្ធសាសនបណ្ឌិត្យ ទំព័រ៤០)។
+ លំនៅដ្ឋាន ប្រហែលជាទាញចេញពី គេហដ្ឋាន ក្នុងវចនានុក្រម ដែលតាមពិតទៅ លំនៅ ជាពាក្យខ្មែរ ដ្ឋាន ជាលំនាំចេញពី គេហដ្ឋានឬក៏ឃើញមានគេសេរសេរនឹង ដ្ឋ ច្រើនក៏យល់ថាដូច្នេះទៅ។ ការពិត លំនៅ + ឋាន > លំនៅឋាន គឺមិនមានអាគមទេ ត្បិតជាពាក្យផ្សំខ្មែរនឹងបាឡី។
សន្និដ្ឋាន សំណេរដែលបានរៀបរាប់ខាងលើ យើងឃើញថាជាការធ្វេស និងតាមទម្លាប់។
ញ៉.ផល្លី-សុផេន
២០ មិថុនា ២០២២
Comments
Post a Comment