ដោយសារ-ពីព្រោះ
ដោយសារ-ពីព្រោះ
តើភាពខុសគ្នារវាងពីព្រោះនិងដោយសារមានលក្ខណៈខុសគ្នាយ៉ាងដូចម្ដេចទៅ?- បម្រាប់អំពីមូលហេតុ
- ខ្ញុំមិនបានទៅរៀនទេ ពីព្រោះ/ដោសារខ្ញុំឈឺក្បាលខ្លាំងពេក។
ពីព្រោះ/ដោយសារ និបាតប្រាប់អំពីមូលហេតុដែលបង្កើតឲ្យមានលទ្ធផលណាមួយ។ ប៉ុន្តែប្លែកគ្នាត្រង់ ដោយសារជាមូលហេតុដែលប្រាប់អំពីលទ្ធភាពដែលនាំឲ្យកើតមានលទ្ធផលណាមួយ។ ចំណែកឯពីព្រោះគ្រាន់តែប្រាប់អំពីមូលហេតុសមគួរណាមួយដែលនាំឲ្យកើតមានលទ្ធផល តែមិនបានប្រាប់អំពីលទ្ធភាពនៃមូលហេតុនោះទេ។
ឧទាហរណ៍៖ ខ្ញុំមិនមករៀន ព្រោះខ្ញុំរវល់។ (ប្រាប់ត្រឹមតែមូលហេតុសាមញ្ញា)
ខ្ញុំមិនមករៀន ដោយសារខ្ញុំរវល់។ (ប្រាប់ថាគ្មានលទ្ធភាពទៅរៀន)
ដើម្បីឲ្យកាន់តែច្បាស់យើងមើលឧទាហរណ៍បន្តទៀត៖
១. ខ្ញុំប្រហែលជាទៅមិនទាន់ទេ (ដោយសារ/ពីព្រោះ)ថ្ងៃនេះផ្លូវស្ទះខ្លាំងណាស់ ទៅមុខក៏មិនរួច ថយក្រោយក៏មិនបាន។
២. សីហាមើលអក្សរមិនឃើញទេ (ដោយសារ/ពីព្រោះ)ថ្ងៃនេះវាមិនយកវ៉ែនតាមក។
៣. វាមិនហ៊ានខាំរបស់រឹង ដោយសារ/ពីព្រោះធ្មេញវាទើបនឹងដាក់។
តាមរយៈឧទាហរណ៍ខាងលើយើងឃើញហាក់ដូចជាប្រើមួយណាក៏បានដែរ ប៉ុន្តែតាមធាតុពិតយើងប្រើខុសគ្នាខ្លាំងណាស់។ មានចំណុចខ្លះៗដែលអាចឲ្យយើងអង្កេតងាយដឹង ពេលណាដែលយើងប្រើ មូលហេតុដែលទាក់ទងនឹងសុខភាពឬអាកាសធាតុ គឺយើងប្រើដោយសារជាច្រើន។
ភ្នំពេញ ថ្ងៃទី២០ មករា ២០១៩
- ពីព្រោះ និ.; អា.និ. ព្រោះ, ព្រោះតែ; ហេតុតែ, ដ្បិត, ដ្បិតតែ : បានជាខ្ញុំហ៊ានឃាត់ ពីព្រោះមានបញ្ញត្តិហាមមិនឲ្យចូល...។
- ដោយសារ កិ. អាស្រ័យផង : ដោយសារទូកទេ, ដោយសាររទេះគេ។ អា.និ. ព្រោះតែ, អាស្រ័យនឹង : រស់ដោយសារគេចិញ្ចឹម ។ល។
២. សាស្ត្រាចារ្យ ឃឹន សុខ គ.ស.២០០៧ វេយ្យារកណ៍ខ្មែរ ការផ្សាយរបស់រាជបណ្ឌិតសភាកម្ពុជា ទំព័រ៣៩៧-៣៩៨
- ពីព្រោះ កាលណាគេនិយាយកាត់ខ្លីទៅជា ព្រោះ ។ ពាក្យនេះមានន័យដូចគ្នានឹង ពាក្យ ដោយហេតុថា។ ក្អែកវានឹងជិះជាន់សង្កត់សង្កិនលើសត្វនានាជាមិនខាន ព្រោះអាំនេះចិត្តខ្មៅណាស់។
- ដោយសារ កាលណាគេនិយាយកាត់ខ្លីនៅត្រឹមតែ ដោយ។ មានន័យដូចពីព្រោះ។ ខ្លះបានច្រើន ខ្លះបានតិច ខ្លះទៀតក៏មិនបាន ដោយមិនទាន់គេ។
៣. ធន់ ហ៊ិន (រៀបរៀង) គ.ស.២០១១ វេយ្យាករណ៍ខ្មែរ (សម្រាប់គ្រប់ភូមិសិក្សា) ទំព័រ១៥៩ ទំព័រ១៩១
- ពីព្រោះ/ដោយសារតែ ពាក្យនិបាតប្រាប់ពីមូលហេតុ ប្រាប់ប្រការ។ មិនឃើញពាក្យ ដោយសារ តែឯងនោះទេ។
៤. ព្រះសាក្យវង្ស ហួត តាត បោះពុម្ពលើកទី២ ១៩៥៦/ បោះឡើងវិញ គ.ស.២០០៤ វិទ្យាស្ថានពុទ្ធសាសនបណ្ឌិត្យ ទំព័រ៦៥ ត្ឫទីយា-វិភត្តិ ន័យថា ជាផ្លូវ ឬ ជាទំនង ប្រែថាដោយនូវ... ដោយសារ...។
(សត្វលោក) រស់នៅដោយសារអាហារ។
Comments
Post a Comment