ច័ន្ទ សំណព្វ សំណេរនិងអក្ខរាវិរុទ្ធខ្មែរ ២០១២

សំណេរនិងអក្ខរាវិរុទ្ធខ្មែរ

1. បណ្ឌិត ច័ន្ទ សំណព្វ ឆ្នាំ២០១២ សំណេរនិងអក្ខរាវិរុទ្ធខ្មែរ។
2. នៅក្នុងស្នាដៃប្រមាណជា១៦៧ទំព័រនេះ លោកបានបង្ហាញ ពន្យល់អំពីមូលហេតុដែលសមរម្យ មិនសមរម្យ ព្រមទាំងរំលេចឲ្យយើងចាប់អារម្មណ៍លើចំណុចខ្លះៗដូចជាសំណេរនឹង/នឬណ/ /លឬឡ) ហើយក៏មានបន្យល់នូវរបបគំហើញថ្មីៗផងដែរ។ 
3. នៅក្នុងសេចក្តីសង្ខេបនេះ ក៏ដូចសេចក្តីសង្ខេបក្នុងសៀវភៅមុនៗទៀតដែរ ខ្ញុំបានព្យាយាមសរសេរ អធិប្បាយតាមទំលាប់ដែលយើងធ្លាប់ចេះដឹង យល់លើពាក្យដែលគេបញ្ញាតិកន្លងមក។ ប្រសិនបើជាមានអ្វីថ្មីនោះ ខ្ញុំបើរង្វង់ក្រចក ឬ ដាក់សញ្ញាសួរលើករណ៏ណាដែលជាគំនិតខ្ញុំឬយោបល់នៃការយល់ឃើញរបស់ខ្ញុំ។ លោកអ្នកអានខ្លះប្រហែលជាមិនពេញចិត្តនឹងសេចក្តីសង្ខេបនេះទេ ព្រោះថាមិនពេញសេចក្តីនៃស្នាដៃដើម ប៉ុន្តែ ខ្ញុំសូមប្រាប់ថា៖ នេះគ្រាន់តែលំនាំឬឲ្យមិត្តអ្នកគ្មានពេល លោកបានអាន បានយល់ខ្លះៗប៉ុណ្ណោះ។ ហើយខ្ញុំផ្ទាល់ក៏ចង់ណាស់នាំអ្នកអានឲ្យទៅអានស្នាដៃដើមជាជាងអានអត្ថបទសង្ខេបបែបខ្ញុំសង្ខេបនេះ។
4. នៅក្នុងស្នាដៃនេះ ពិតជាមានភាពស្មុគ្រស្មាញណាស់ ត្បិតអ្វីពាក្យដែលប្រើមានសេចក្តីឃ្លាតពីការយល់ដឹងរបស់អ្នកដែលមានចំណេះដឹង គំនិតខ្លីដូចជាខ្ញុំឬអ្នកអានខ្លះណាស់។ ទោះបីជាយ៉ាងនេះក៏ដោយចុះ សូមមិត្តតាមដាននឹងខ្ញុំដូចតទៅ កុំបីមានរង្គៀសចិត្តអ្វី។ អ្វីដែលគួរឲ្យយើងចាប់អារម្មណ៍នោះ គឺត្រង់ពាក្យដែលលោកប្រើ ហើយពន្យល់ប្រាប់អំពីន័យនៃពាក្យថ្មីនោះ។​